malluxe banner -01.jpg

舒文&施匡翹大爆新歌《康復期》錄音過程



一連兩個星期都會有Zaina施匡翹嘅專訪😍Zaina終於推出新歌喇!同舒文、林若寧再度合作😍Zaina嘅新歌《康復期》,歌詞係取材自上年Zaina康復嘅經歷,再結合愛情故事嘅一首歌❤️透過呢首歌想同大家講就算受咗傷都會有康復嘅一日!嘉珀生活就有幸邀請到Zaina同監製《康復期》呢首歌嘅舒文舒老闆一齊接受訪問👏🏻!好多人成日都話舒老闆好惡🤨,到底係唔係㗎呢🤔?舒老闆仲有料爆😏?


舒老闆溫柔的一面


很多人都說舒老闆是很惡的,其實不是的,只是大家也很緊張這個計劃,所以都希望認真地對待。Zaina:「佢好溫柔㗎!佢都係用好溫柔嘅方式去同你講呢度有咩唔好,或者有啲咩嘅建議,佢每次都會諗到啲好有趣嘅比嘢㗎!就會令到我好容易就明白佢想我做啲咩!」原來舒老闆是很溫柔的,而舒老闆也為自己澄清:「其實我再次澄清第100次,其實我真係唔鬧人㗎,不過大家經常講到我好似好兇惡咁,令到其他人都好驚,其實係要人覺得個歌手好似好可憐咁,呢個係一個反宣傳嚟㗎!」


Zaina施匡翹FB

《差不多小姐》到《康復期》不同的感覺


原來當初是想為Zaina推出《康復期》先的,之後再推出《差不多小姐》,但舒老闆就認為當時的Zaina未準備好可以唱到《康復期》這類型的歌曲。舒老闆又怎樣去看呢?難度又在那裡?「唔好成日覺得係Zaina摸索緊呢件事,其實我都摸索緊呢件事,但係當時我知道呢首歌(《康復期》),其實係需要有啲力量,因為《差不多小姐》係一首小品同甜蜜嘅歌曲,甜蜜歌曲情緒嘅幅度可能細啲,但《康復期》可能會比較大啲。我覺得係呢方面,當時佢啱啱開始唱歌同錄音,佢未必會咁快係錄音室嘅環境下得到,因為唔係每個人對住個咪就會全部比晒出嚟,要習慣個環境同錄音,其實每個人都要呢個時間,所以覺得之後做就會比較好。」


Zaina施匡翹FB

再度合作更加順暢


有了第一次的合作後,Zaina跟舒老闆再次合作就更加順暢,因為大家了解彼此多了,就知道對方想要的是什麼,而且也不用再說一些客氣的說話。舒老闆:「其實有咗第一次嘅經歷就已經好好,因為大家熟咗,變咗我不需要轉彎末角。例如我哋錄緊音嘅時候,有個外人入嚟,你以為我好惡㗎,但其實唔係嘅,大家都知道其實係緊張呢一件事,我好緊張其實佢都好緊張㗎,點解做唔到呢?好多嘢唔洗好客套咁講,『你呢度走音』就可以。」而Zaina也認為這次的合作更加放:「因為第一次始終大家仲未了解彼此,其實我好多嘢都唔知道應該係要點做,變咗如果第一次就接觸《康復期》呢類型嘅歌,就未必拿捏得咁好,因為佢要求我係放開啲。」


大家記住要多多支持Zaina的《康復期》!