上一集☝🏻Zaina施匡翹同舒老闆講咗一啲關於錄新歌《康復期》嘅過程☝🏻舒老闆仲爆咗好多料添！今集就繼續會有Zaina同大家講吓錄歌嘅其他趣事☝🏻原來Zaina錄歌嘅時候有一啲特別嘅習慣🤔？佢唔比舒老闆直望佢🤔？佢仲話當時好猶豫用《康復期》嚟做歌名🧐？點解呢🤔？當Zaina遇到困境嘅時候，又會點樣去療癒自己呢🧐？我哋即刻嚟睇吓Zaina有咩講先☝🏻😌錄音時的習慣
繼《差不多小姐》後，Zaina同舒文舒老闆再度合作，經過了第一次的合作後，這次《康復期》就更加順利了。Zaina還說錄音時有一些小習慣，錄音的時候不可以讓人看到的，包括舒老闆在內。錄音室裡有一塊大玻璃的，但Zaina就要躲在一邊錄音。「其實第一次已經想咁做，但因為唔夠膽做，因為未咁熟，又唔知道會不會可以咁做。因為好多時舒老闆要用口型或者用手部動作去令你明白你之後唱嘅個句係點樣做，雖然我有個耳機聽住佢嘅意思，但有時睇住嘴型點樣郁，或者睇佢手嘅大細動作先知道要點做嘅，所以《差不多小姐》嘅時候，其實唔係成日可以匿埋嘅，多數都要睇到佢嘅，但是到今次這首歌，因為大家錄過一次，可能會有一啲嘅默契，可能佢知道我錄音嘅時候，唔可以比人睇到我，佢就比我可以匿埋一邊唱。」
《康復期》歌名的來源
上年Zaina經歷了一個特別的事件，而歌詞是由林若寧填詞的，到底為什麼會有這份詞呢？是真的為Zaina度身訂造，還是只是巧合？「其實一開始我都好驚訝嘅，其實等林若寧老師比歌詞我嘅時候都等咗一段時間，當我收到嘅時候，我第一次見到歌名都嚇一跳，因為我冇諗過佢會將我上年康復嘅經歷放係呢度，然後再配合一個愛情嘅經歷。我自己第一下就諗得唔得呢？因為我會擔心令到人回想返我之前發生嘅事情，覺得再提起會唔會唔係咁好呢？但係睇過幾次呢份歌詞後，其實呢個始終係一個我嘅經歷嚟嘅，如果可以借我自己嘅經歷，再配合愛情上面有同樣經歷嘅朋友嘅話，我覺得會做到一個好好嘅鼓勵作用。」
《康復期》這首歌可以說是屬於Zaina的一首歌，因為如果由其他歌手去演唱這首歌，可能他們不會很適合的。
遇到困境怎樣去療癒自己？
每個人都會有不開心的時候，這是無法避免的，這些傷痛都會令你慢慢成長，令自己更成熟。而Zaina也會有不開心的時刻，她說很少會跟朋友和家人談一些自己很深的事，因為她諗為如果那一刻是不開心的話，其實聽完朋友說後也不會立刻沒有事的，所以很多事情都像《康復期》一樣，要自己站起來的。遇到不開心事情，Zaina認為：「我覺得做運動好重要，唔知點解你做完運動嘅個一刻，你覺得自己冇白費到今日咁，即係唔係一個無所事事嘅人，你會覺得自己好似好有力氣咁，你會好有能量去繼續係呢度生存，所以我覺得運動係好重要嘅。」
Zaina還說人生不一定要有很大的目標和理想才是成功的，能夠在這個世界上呼吸，如果大家認真對待當下的每一刻，可能是吃一個很簡單的三文治，你也會覺得很幸福的。希望大家要多多支持Zaina施匡翹最新作品《康復期》！