婚姻是成長必經的階段？
上次就訪問咗《不日成婚》嘅陳家樂同衛詩雅，今次我哋有Part2✌🏻！嘉珀生活就邀請到演員談善言同朱柏康上嚟一齊同大家傾吓計👯當然仲有《不日成婚》嘅導演＋編劇陳茂賢😍👏🏻！佢哋係訪問入面成日比高帽🎩大家戴，超級爆笑🤣！《不日成婚》係一部輕鬆嘅愛情喜劇，帶到好多歡樂比大家！而談善言同朱柏康係戲入面就飾演兩夫妻，而朱康仲要係做一個好黑人憎嘅角色😒？導演仲會同我哋講佢嘅Status？我哋一齊嚟睇吓佢哋講咩啦導演的狀態
電影中有三段不同階段的關係，而這些情節和角色設定都是陳導演將他朋友遇到的事情而寫出來的，寫出了一些拍了很久拖很想結婚的人；結婚後的婚後生活；更有人是不知道結婚是什麼。而導演又處於那個狀態呢？「大家都成日會問你到底結婚未？我成日都同佢哋講，源自於過時過節成日都會問你幾時結婚，尤其係啱啱過年都會有，佢哋成日都會講快啲結婚，利是逗到今年就好喇，我嘅朋友都係咁講嘅，有啲朋輩結咗婚之後，佢哋都會派利是比我嘅，佢哋就話你逗到今年好喇。」導演認為如果不想給利是就不要給，不需要逼別人結婚，結婚這件事是好有趣嘅，人生一個很大的課題，人必須要經歷了結婚才會成長，才會變大人。每個人都有自己對於結婚的理念，他們可以選擇結婚和不結婚。
現實與角色的分別
阿談在電影中經常要打朱栢康，現實中的阿談又是怎樣呢？因為她是「男仔頭」，讓人覺得她也像戲中一樣那麼粗魯。「我以前真係好暴力嘅，細個嘅時候好想做好多嘢，好想處理好多嘢，後來自己處理不到，我就會問點解呀？但係而家就無喇，因為可能成個價值觀同人生觀都唔同咗。而每個人都有自己嘅自由，但係你願意為對方改變幾多，你願意為對方做幾多呢？係另一個勉強唔嚟嘅事情，咁而家我就無所謂喇。」人越大，人生觀都會不一樣的。
對角色的看法
朱栢康今次飾演一個很討厭的角色，他自己又怎樣去揣摩這個角色呢？又有什麼的看法呢？「其實我接呢個角色嘅時候，第一次見面嘅時候導演已經好好，佢已經用咗一兩個鐘去講解個角色比我聽，因為灰熊呢個角色係兩個真實嘅人參與嘅，但係喺聽嘅時候已經有好多想像力，加上劇本寫得好好，所有嘅節奏、關係同呈現嘅事件都好好。」朱栢康又說拍戲除了有個好的導演外，有一個好的對手也是很重要的，而阿談也非常的信任他，而這個信任也令到他的演繹也很順利的。「我唔怕同佢分享我點樣睇我哋角色裡面嘅關係，因為我話係唔容易嘅，當你做咗演員一段時間，你知道有一個信任你嘅對手出現嘅時候，係一種祝福。」
《不日成婚》已上映，希望大家可以支持本土電影，撐香港電影！香港電影未死的！
《不日成婚》預告片：